عبداللہ بن مسعود رضي الله عنه نے ایک بار کہا
اسلام قبول کرنے والے سب سے پہلے سات لوگ تھے: رسول اللہ صلی اللہ علیہ و آلہ وسلم، ابوبکر، عمار اور ان کی والدہ سمیّہ، سحیب، بلال اور مقداد۔
ابن ماجہ جلد 1 ، کتاب 1 ، حدیث 15
حضرت سمیّہ بنت خیاط رضي الله عنه اسلام کی پہلی شہید خاتون تھیں۔ وہ ابو حذیفہ بن المغیرہ کی خدمت میں تھیں جنہوں نے بعد میں انہیں مکہ آنے والے یمنی یاسر بن عمار رضي الله عنه کے نکاح میں دے دیا اور انہوں نے وہیں رہنا شروع کر دیا۔ ان کو ایک بیٹے کی سعادت حاصل ہوئی، جس کا نام یاسر کے والد، عمار بن یاسر، کے نام پر رکھا گیا۔
حضرت سمیّہ رضي الله عنه اپنے شوہر اور بیٹے کے ساتھ حضرت محمد صلی اللہ علیہ و آلہ وسلم کی نبوت اور پیغام پر ایمان لانے والے اولین لوگوں پیں سے تھیں۔ وہ اسلام قبول کرنے والی ساتویں شخصیت تھیں۔ حضرت سمیّہ رضي الله عنه اور ان کے خاندان کے افراد نے اپنے عقیدے کو خفیہ نہیں رکھا۔ انہوں نے خود کو عوامی سطح پر مسلمان قرار دیا۔ جب کافروں کو معلوم ہوا کہ انہوں نے اسلام قبول کر لیا ہے تو حضرت سمیّہ رضي الله عنه اور ان کے اہل خانہ کو مکہ کے جلتے ہوئے صحرا میں لے جایا گیا۔ انہیں جسمانی اور ذہنی طور پر قریش نے تشدد کا نشانہ بنایا جو انہیں دوبارہ مشرکیت میں تبدیل کرناا چاہتے تھے۔ تاہم حضرت سمیّہ رضي الله عنه نے ایک ٹھوس موقف برقرار رکھا۔
حضرت محمد صلی اللہ علیہ و آلہ وسلم جہاں ان پر تشدد کیا جاتا تھا وہاں جاتے تھے اور ان کی ہمت کی تعریف کرتے ہوئے کہتے تھے کہ یاسر کے اہل خانہ، صبر کرو۔ بے شک تمہاری ملاقات کی جگہ جنت میں ہوگی۔ انہیں انتہائی تکلیف کا سامنا کرنا پڑا جس سے ان کے ایمان کا امتحان لیا گیا لیکن وہ ثابت قدم رہے اور یہ جانتے ہوئے کہ حق کا راستہ اکثر مشکلات سے بھرا ہوا ہے، صبر کرتے رہے۔
بالآخر بوڑھے ہونے کی وجہ سے حضرت سمیّہ رضي الله عنه اس اذیت کو برداشت نہ کر سکیں اور اللہ اور اس کے رسول صلی اللہ علیہ و آلہ وسلم کی راہ میں جان قربان کر گئیں۔ اگرچہ ان کے شوہر حضرت یاسر رضي الله عنه کو ان کی آنکھوں کے سامنے شہید کر دیا گیا لیکن قریش کے مشرکین حضرت سمیّہ رضي الله عنه کو اسلام سے ہٹانے میں ناکام رہے۔ ایک طویل عرصے تک انہیں تشدد کا نشانہ بنانے کے بعد ابو جہل نے ان پر نیزہ گھونپ دیا جس سے وہ شہادت پا گئیں۔
یاسر رضي الله عنه اور ان کی اہلیہ سمیّہ رضي الله عنه کو اس وقت قتل کر دیا گیا جب انہوں نے اسلام کی مذمت کرنے سے انکار کر دیا تھا، لیکن ان کے بیٹے عمار بن یاسر کو اس وقت چھوڑ دیا گیا جب انہوں نے اسلام کی مذمت قبول کر لی۔ اس واقعہ کے بارے میں اللہ نے درج ذیل آیت نازل کی
جو شخص ایمان لانے کے بعد خدا کے ساتھ کفر کرے وہ نہیں جو (کفر پر زبردستی) مجبور کیا جائے اور اس کا دل ایمان کے ساتھ مطمئن ہو۔ بلکہ وہ جو (دل سے اور) دل کھول کر کفر کرے۔ تو ایسوں پر الله کا غضب ہے۔ اور ان کو بڑا سخت عذاب ہوگا
سورة النحل آیت 106
حضرت سمیّہ رضي الله عنه اور ان کے شوہر اسلام کے پہلے شہدا تھے۔ ایسے لوگوں کے لیے اللہ نے قرآن مجید میں نازل فرمایا
خدا نے مومنوں سے ان کی جانیں اور ان کے مال خرید لیے ہیں (اور اس کے) عوض ان کے لیے بہشت (تیار کی) ہے۔ یہ لوگ خدا کی راہ میں لڑتے ہیں تو مارتے بھی ہیں اور مارے بھی جاتے ہیں بھی ہیں۔ یہ تورات اور انجیل اور قرآن میں سچا وعدہ ہے۔ جس کا پورا کرنا اسے ضرور ہے اور خدا سے زیادہ وعدہ پورا کرنے والا کون ہے تو جو سودا تم نے اس سے کیا ہے اس سے خوش رہو۔ اور یہی بڑی کامیابی ہے
سورة التوبة آیت 111
نمایاں تصویر: سمیّہ بنت خیاط: ایک عظیم مسلمہ
