വിശുദ്ധ ഖുർആനിലെ 103-ാമത്തെ സൂറത്താണ് സൂറ അൽ-അസ്ർ. സൂക്തം ആരംഭിക്കുന്നത് അൽ-അസർ എന്ന വാക്കോടെയാണ്. ഇത് തന്നെയാണ് സൂറത്തിന് ഈ പേര് വരാൻ കാരണവും.
ഖുർആനിലെ ഏറ്റവും സമഗ്രമായ സൂറത്താണ് അൽ-അസ്ർ. കാരണം അത് വിജയത്തിലേക്കുള്ള വഴി മൂന്ന് ഹ്രസ്വ വാക്യങ്ങളിൽ മനോഹരമായി വിശദീകരിക്കുന്നു. ഈ ലേഖനം അറബി പാഠത്തോടൊപ്പം സൂറ അൽ-അസ്റിന്റെ പൂർണ്ണ വിവർത്തനവും തഫ്സീറും നൽകുന്നതാണ്.
സൂറ അൽ-അസ്റിന്റെ പരിഭാഷയും തഫ്സീറും
സൂറ അൽ-അസ്റിന്റെ പൂർണ്ണമായ അറബി പാഠം ഇതാ:
വിവർത്തനം
1 കാലം തന്നെയാണ് സത്യം
2 തീര്ച്ചയായും മനുഷ്യന് നഷ്ടത്തില് തന്നെയാകുന്നു
3 വിശ്വസിക്കുകയും സല്കര്മ്മങ്ങള് പ്രവര്ത്തിക്കുകയും, സത്യം കൈക്കൊള്ളാന് അന്യോന്യം ഉപദേശിക്കുകയും ക്ഷമ കൈക്കൊള്ളാന് അന്യോന്യം ഉപദേശിക്കുകയും ചെയ്തവരൊഴികെ.
തഫ്സീർ
1 കാലം തന്നെയാണ് സത്യം
ഈ വാക്യത്തിൽ, അല്ലാഹു സമയത്തെക്കുറിച്ച് പ്രതിജ്ഞ ചെയ്യുന്നു. അല്ലാഹു പലപ്പോഴും ശപഥത്തിലൂടെ അവന്റെ വചനങ്ങളെ അംഗീകരിക്കുകയും ശക്തിപ്പെടുത്തുകയും ചെയ്യും; മനുഷ്യന് ജീവികളുടെ പ്രാധാന്യവും മൂല്യവും ബോധ്യപ്പെടുത്താൻ ശപഥം ചെയ്യുമ്പോൾ അവൻ പലപ്പോഴും ചില ജീവികളുടെ പേരുകൾ ഉപയോഗിക്കുന്നു
അതിനാൽ ഈ വാക്യത്തിലൂടെ, ഓരോ നിമിഷവും വിജയത്തിന് അത്യന്താപേക്ഷിതമാണെന്ന് നമ്മെ ബോധ്യപ്പെടുത്താൻ സമയത്തിന്റെ മഹത്വം അല്ലാഹു അടിവരയിടുന്നു.
2 തീര്ച്ചയായും മനുഷ്യന് നഷ്ടത്തില് തന്നെയാകുന്നു
മനുഷ്യൻ നഷ്ടത്തിലാണെന്ന് ഖുർആൻ വ്യക്തമായി പ്രസ്ഥാവിക്കുമ്പോൾ, അത് ഇഹത്തിലും പരത്തിലും ഉണ്ടാകുന്ന നഷ്ടത്തെ സൂചിപ്പിക്കുന്നു.
3 വിശ്വസിക്കുകയും സല്കര്മ്മങ്ങള് പ്രവര്ത്തിക്കുകയും, സത്യം കൈക്കൊള്ളാന് അന്യോന്യം ഉപദേശിക്കുകയും ക്ഷമ കൈക്കൊള്ളാന് അന്യോന്യം ഉപദേശിക്കുകയും ചെയ്തവരൊഴികെ.
ഈ സൂറത്തിലെ മൂന്നാമത്തെയും അവസാനത്തെയും സൂക്തത്തിൽ, നമ്മുടെ വിജയത്തെയും പരാജയത്തെയും അടിസ്ഥാനമാകുന്ന വ്യവസ്ഥകളെയാണ് അല്ലാഹു പരാമർശിക്കുന്നത്.
ആദ്യത്തെ പ്രധാന വ്യവസ്ഥ വിശ്വാസമാണ് – അല്ലാഹുവിലും അവന്റെ ഗുണങ്ങളിലും ഉള്ള വിശ്വാസം, പരലോകത്തിലും വിചാരണയിലും ഉള്ള വിശ്വാസം, പ്രതിഫലത്തിലും ശിക്ഷയിലുമുള്ള വിശ്വാസം, ദൈവിക ഗ്രന്ഥങ്ങളളിലും പ്രവാചകന്മാരിലുമുള്ള ദൃഢമായ വിശ്വാസം.
രണ്ടാമത്തെ വ്യവസ്ഥ സത്കർമങ്ങൾ ചെയ്യാനുള്ള സന്നദ്ധതയാണ്. മുഹമ്മദ് നബി (സ) യുടെ വാക്കുകളിൽ നിന്നും ഇത് വ്യക്തമാണ്.(റഫർ:- ജാമി തുർമിദി വാല്യം 4, പുസ്തകം 10, ഹദീസ് 2389):
“സൽ സ്വഭാവം നല്ല പെരുമാറ്റമാണ്, പാപമാണ് നിങ്ങളുടെ നെഞ്ചിൽ ചാഞ്ചാട്ടമുണ്ടാകുന്നത്”.
മൂന്നാമതായി, സത്യത്തിലേക്കും ക്ഷമയിലേക്കും പരസ്പരം ഉപദേശിക്കാൻ ഈ വാക്യം നമ്മോട് ആവശ്യപ്പെടുന്നു. മറ്റൊരു വിധത്തിൽ പറഞ്ഞാൽ, നമ്മൾ ഒറ്റപ്പെട്ട് ജീവിക്കുമ്പോൾ തന്നെ അന്യോന്യം പ്രോത്സാഹിപ്പിച്ചു കൊണ്ട് വിശ്വാസികളും, ധാര്മ്മികതയുള്ളതുമായ ഒരു സമൂഹം സൃഷ്ടിക്കാൻ ശ്രമിക്കണം.
സൂറത്തുൽ അസറിന്റെ സമഗ്രതയെക്കുറിച്ച് ഇമാം ശാഫി (റ) വളരെ വ്യക്തമായി പ്രസ്താവിക്കുന്നു:
ജനങ്ങൾ ഈ സൂറത്ത് നന്നായി പരിഗണിച്ചാൽ തന്നെ അവർക്ക് മാർഗദർശനത്തിന് ഇത് മാത്രം മതിയാകും.